【問卷調查：而家普遍都係男人洗碗？】
問過身邊所有朋友，本來喺屋企係阿媽洗碗，但結婚有自己家庭之後，變咗男人洗碗。
點解啊！點解而家大部分家務都係男人做！
女人（豆姐）食飽飯就可以成隻海豹咁攤喺梳化！
而我好少少，家務係平均分配（註：係豆姐心目中嘅平均）
即是豆姐負責收衫褶衫，我負責掃地抹地洗衫洗廁所煮飯仲有洗碗…
我有要求過不如我煮飯，佢洗碗，不過豆姐咁樣答我：
「做家務嚟講，我最唔鍾意就係洗碗。」豆姐。
「嘩～我哋真係天生一對，我自己就好鍾意洗碗，平時出去餐廳食飯，都會問老闆可唔可以洗埋碗先走，哈哈！」我。
就係咁，我由同居開始，就負責洗碗…
不過洗碗既時間，其實有好多嘢可以做，例如開住手機一邊睇劇一邊洗，或者同班兄弟whatsapp。
因為，嗰個時間全地球嘅男人都洗緊碗啊～哈哈哈哈…嗚！
有次，豆姐問我：「點解你洗碗洗咁耐？」
「乾淨啲好嘅。」我。
而豆姐最近打算買部洗碗碟機返嚟。
「我地廚房咁細，會唔會唔夠位放啊？」我。
「放心啦～呢部惠而浦洗碗碟機，比其他比同類型歐洲座枱式洗碗機慳位多達38%！」
「但洗完又要晾，好麻煩囉，我不如自己用手洗！」
「放心啊，呢部洗碗碟機有烘乾功能，同埋用熱水可以殺菌啊。」
「不…不過…」正當我諗緊點反駁，豆姐一句必殺技：
「呢部洗碗機慳咗嘅唔單止係時間，最重要係賺到你陪我既時間！」豆姐。
呢個時候，喺我頭頂響起咗一句『KO～』
就係咁，我而家每日都用洗碗碟機。
用咗一排，佢又真係洗得好乾淨，我連飲完咖啡嘅杯都會丟入去洗。
＊私心用後推介＊
呢部SANICARE 全自動座枱式洗碗碟機用咗一排，佢又真係洗得好乾淨，我連飲完咖啡嘅杯都會丟入去洗，畢竟而家抗疫時期，可以做到潔淨、抗菌一機過。
安裝時已接駁廚房水喉，部機亦會自動將水加溫，用72度熱水清潔碗碟，真係洗得幾乾淨，仲有自動烘乾功能，洗完可以直接擺返入櫃，唔使放出黎晾乾～
＊注意返：根據CNAS L0793測試報告有效殺滅大腸桿菌及金黃葡萄球菌達99.99%
瞭解更多：
https://www.whirlpool.com.hk/english/wctd104hk-countertop-dishwasher
Search